Ukrayinada qırımtatar ekspozitsiyasını yapıp başladılar – Qırım çiftligi rekonstruktsiyasınıñ olacaq kompleksinde borsuq tereginiñ fidanlarını eklegenler. Bu aqta Qırım evi Facebook saifesinde haber etildi.
Anda qayd etkenlerine köre, bu terekler timsaliy çalı qorası olmaq kerek.
«Bu Qırım ve onıñ medeniyeti aqqında ikâye etecek bir meydan yaratmaq yolunda birinci adımdır. Bizim sergimiz Qırımnıñ çeşit regionlarını qaplaycaq: çöl, dağ etegi ve dağ. Er bir köşe bu regionğa has olğan endemik ösümliklernen yaraştırılacaq. Epimiz evge qaytqanda bile, bu Qırım köşesi açıq avada olıp, Qırımnıñ kimniñ olğanını hatırlatacaq», – dep qayd etile haberde.
Qırımtatar çiftliginiñ kontseptsiyası 2021 senesi taqdim etildi. Leyha Ukrayina halq mimarlığı ve turmuşı milliy müzeyinde ananeviy qırımtatar çiftligi quruluvından ibaret.
Anda zengin qırımtatar qorantasınıñ turmuş elementleri, ustahaneler taqdim etilecek, seyircilerniñ közü ögünde qırımtatar ustazlarınıñ ananeviy eserleri yapılacaq. Qırım timsali olacaq kiçik bir caminiñ quruluvına da diqqat ayırıla.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
