Kyivde mayısnıñ 17-sinde qırımtatarlarnıñ sürgünligi aqqında “1944” vesiqalı filminiñ premyerası keçirilecek. Bu aqta Fresh Production Group kino şirketiniñ matbuat hızmetine esaslanıp, “Ukrinform” haber agentligi bildire.
Filmde sürgünlik ikâyesini onı başından keçirgen insanlar aytıp bere. Olar, sürgünlik aqqında, açlıq ve hastalıqlardan adamlar biñlerce elâk olğan sürgünlikniñ birinci yılları aqqında, ve özleri nasıl etip sağ qalğanları aqqında hatıralarınen paylaşa.
“1994” cesiqalı filmi - ayrı ikâyelernen bütün qırımtatarlarnıñ faciası aqqında aytıp bermek bir ıntıluvdır. Olar er qırımtatarnıñ qorantasında bar, olar kelecek nesillerniñ hatırasında qalmalı”, - denile beyanatta.
Filmniñ rejissörları - Fatima Osman ve Yunus Paşa.
Filmniñ ilk kösterüvi Qırımtatar genotsidiniñ qurbanları Kününe bağışlanğanı bildirile.
Tedbir Kyivde “D12” galereyasında keçirilecek, kiriş serbest.
