Kyivde noyabrniñ 27-nde «Kün doğdı» ve «Merdiven» qırımtatar nesiriniñ cıyıntıqları ukraince taqdim etildi, dep bildire Qırım.Aqiqat.
«Bugün «Qırımtatar nesiri ukraince» seriyasınıñ qırımtatar yazıcılarınıñ «Kün doğdı» cıyıntığını ve Şamil Alâdinniñ «Merdiven» eserlerini taqdim etemiz. Bu kitaplar bu yıl basıldı. Bu ilk. Birinci kitapta 11 müellifniñ eserleri bar, ekincisi ise Şamil Alâdinniñ eserlerini topladı», – dep tarif etti Ukraina Haber siyaseti nazirliginiñ Qırım ve Donbas informatsion reintegratsiyası bölüginiñ reberi Viktor Litvinov.
Tarih ilimleri namzeti Andriy İvanets bunıñ kibi kitaplarnıñ ukrain cemiyeti içün müim olğanını qayd etti.
«Tamır qırımtatar halqınıñ qırımtatar medeniy mirasını oquyıcılarğa açqan müellifleriniñ kitaplarını taqdim merasiminde bulunamız. Bu vaqia pek müim ola, çünki cemiyetimiz bir qaç elementten ibaret ve ukrain siyasiy milletinde tamır halqlarnıñ emiyeti ayrıdır… Olarnıñ keçmişini, zemaneviy vaziyetini, medeniy mirasını bilmek pek müimdir», – dep qayd etti İvanets.
Bundan ğayrı matbuat konferentsiyasında haber etilgeni kibi, Qırım.Aqiqat ile işbirligi sayesinde Şamil Alâdinniñ eserlerinden biri ses formatında olacaq.
