Sentâbr 16-sında Qırım evinde qırımatatar medeniyeti aqqında podcastlar leyhasını taqdim ettiler.
Bunı Qırım.Aqiqatqa leyhanıñ müellifi, QHA media agentliginiñ baş muarriri Rustem Halilov tarif etti.
Onıñ aytqanına köre, leyha qaramanlarınen laflarnıñ çoqusı ilhaq etilgen Qırımda yazılıp qoyulğan edi, bu, toplamğan malümatnıñ "qıymetini daa yüksek ete".
"Ukrain diñleyicisini ve bizimkilerni qırımtatar muzıka ve medeniyetinen tanıştırmaq vazifemiz bar edi. Podkastlarda çeşit türlü saada faaliyet köstergen adamlarnen subetlerimiz toplanğan. Bu em DJ, em rejissör, em yazıcı, em bestekâr, em tikici. Podkastlarnıñ çoqusı - intervyü şeklinde ve Qırımda yazılıp qoyulğanlar, bu, olarnıñ qıymetini daa yüksek ete. Neticede biz, qırımtatar medeniyetiniñ audio entsiklopediyasını toplamağa tırıştıq", - dep añlattı o.
Leyhanıñ numayışında Milliy Meclis reisi Refat Çubarov, böyle leyhanıñ peyda oluvı, Qırım ilhaqından soñ qırımtatar medeniyetine artqan meraqnen de bağlı.
"Soñki beş yılda qırımtatar medeniyetine (ukrainlerniñ tarafından - QA) meraq pek büyüktir. Bu tabiiy, çünki bu yılları Ukraina kerçekten qırımtatarlarnı tanıp ve ögrenip başladı. Tanışuv ise, birinciden medeniyetke muracaat etmesen, imkânsızdır", - dedi o.
Hayırlatayıq, "Sluşay süda" ("Meni diñle") - bu, Qırım.Aqiqat müellifleri ile birlikte keçirilgen er aftalıq podkast. Anda Qırım.Aqiqat saytında derc etilgen eñ meraqlıve müim haberler ve maqaleler muzakere etile. Bu podkastnı iTunes, Castbox, Soundcloud ve YouTube diñlemek mümkün.
