Kyivniñ «Mıstetskıy arsenal» medeniyet merkezinde fevralniñ 26-ndan mayısnıñ 5-ne qadar «Qırımnıñ acayip ikâyeleri» sergisi keçecek.
Sergi fevralniñ 26-nda saat 19:00-da açılacaq, dep haber ete teşkilâtçıları.
«Kimmer, tavr, skit, yunan, got, sarmat, vizans, hazar, polovets, ceneviz ve venedikliler, osmanlı türkleri ve qırımtatarlar. Bizler yarımada ealisini şekillendirgen qadimiy halqlarnıñ izlerinden adım-adım ketmek içün sergi teşkil ettik. Hususan, Qırımnıñ Tamır qavmi qırımtatarlar aqqında daa çoq tarif etecekmiz. 15 ukrain müzeyiniñ kollektsiyasından alınğan ayrı eşyalar – skit altını, silâdan başlap zemaneviy sanat eserlerine qadar, farqlı devirlerden qalma acayip ikâyelerni tarif etecek», – dep qayd ete teşkilâtçılar.
Kefede 2018 senesi oktâbr ayında «Kefe Gülleri» qırımtatar medeniyet festivali keçirilgen edi.
Kyivde 2018 senesi oktâbrniñ 23-nde «Qırım evi yüreklerni birleştire» qırımtatar etnocazınıñ hayriye kontserti olıp keçti.
