Kyivde sentâbrniñ 24-nde Ukraina halq ameliy sanatı milliy müzeyinde "Simvol. Anane. Peçvork" sergisi açıldı, dep haber ete Qırım.Aqiqat mühbiri.
Sergi "Qırım üslübi" leyhasında qırımtatar örnegi ile işlemekte büyük tecribesi olğan Ukrainada nam qazanğan ressam, Qırım sakini Mamut Çurlunıñ reberligi ile ömürge keçirilgen "Ukrainanıñ peçvork tikiş" leyhası çerçivesinde kerçekleştirile.
Leyhanıñ emiyetli bir komponenti, nesilniñ, aileniñ ve onıñ qorunmasınıñ siiriy alâmetleri olaraq qadimiy simvollarnıñ manalarınıñ qorunmasıdır. Bu pannolarnıñ maqsadı Ukraina halqınıñ ananeviy maneviy degerliklerini qorumaq ve zemaneviy şaraitke uyğunlaştırmaq içün yaşayış ve içtimaiy interyerlerni bezetmektir.
Sergi noyabrniñ 7-nece devam etecek.
