Link açıqlığı

Saatnıñ esas haberi

Kyivde, Qırımda çıqış yapqan Belarus komiginiñ kontserti olacaq


Kyivde mayısnıñ 30-ında, Qırımda çıqışta bulunğan Belarus stand-up komik İvan Usoviçniñ kontserti yapılacaq ola.

Kontsertiniñ ilânı komikniñ resmiy Instagram saifesinde derc etildi.

Daa, bilet satqan ukrain saytnıñ malümatına köre, Usoviçniñ daa bir kontserti Kyivde iyülniñ 19-ında olacaq.

Usoviç 2016 yılı sentâbrde Aqmescitte TorTuga barında çıqış yapa edi. Çıqışnın videosı barnıñ “Vkontakte” saifesinde derc etilgen.

Bundan ğayrı, Aqmescit “Stand up rec” leyhasınıñ teşkilcilerinden biri, Usatoviçnen beraber süretni Instagramğa yollap, “Yalta, Qırım” dep yerini belgiledi.

Qırım.Aqiqat muarririyeti İvan Usoviçqa tefsir almaq içün hitap etti, amma ne o, ne onıñ temsilcileri alâ daa muracaatqa cevaplanmadı.

Daa evel, Ukraina İİN, başqa memleket vatandaşlarına ve vatandaşlıqsız adamlarğa ilhaq etilgen Qırımğa ziyeretlerden vazgeçmege muracaat etti.

2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».

Halqara teşkilâtlar Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG