Link açıqlığı

Saatnıñ esas haberi

Maskalarda ve sıcaqölçerlernen: Kyivde Poloniya ve Çeh Cumhuriyetinden kelgen ukrainalılar nasıl qarşılandı (fotoresimler)

Cuma künü, martnıñ 20-nde, koronavirus pandemiyası sebebinden Çeh Cumhuriyeti ve Poloniyadan tahliye etilgen ukrainalılarnen trenler Kyivge keldi. «Ukrzaliznıtsâ» bunıñ içün beş «İntersiti+» trenini berdi. İlk dört trennen 2,4 biñ Ukraina vatandaşı qayttı.

Ukraina Devlet sıñır hızmetiniñ bildirgenine köre, trenler kelgeninen vagonlarğa sıñırcılarnen beraber sanitar-karantin bölüginiñ vekilleri mindi. Nolculardan iç birisiniñ şikâyeti yoq edi, er biriniñ sıcağı normada edi.

Ukraina Sağlıq nazirliginiñ bildirgenine köre, martnıñ 20-ne qadar memlekette COVID-19 hastalığına oğrağan 39 insan qayd etildi. Üç kişi can berdi. Ukrainada ilk hastalanğan kişi tüzeldi.

Johns Hopkins universiteti yanındaki Tedqiqatlar merkeziniñ malümatına köre, dünyada martnıñ 20-ne qadar 244 500 koronavirus hastası qayd etildi. 10 000-den çoq kişi öldi, 86 000-den çoq tüzeldi.

Tahliye etilgen ukrainalılarnıñ trenleri Kyivde nasıl qarşılandı, Azatlıq Radiosı mühbiriniñ fotoresimlerinde baqıñız.


Facebook Forum

XS
SM
MD
LG