Kyivde dekabrniñ 16-nda saba bütün yönelişlerde metro areketi vaqtınca toqtatıldı, dep bildirdi Kyiv şeer yolbaşçısı Vitaliy Klıçko.
«Yerastı stantsiyalar sığınaq olaraq çalışa. Avadan telüke devam ete! Lütfen, sığınaqlarda qalıñız! Areket kene başlanğanda haber etecekmiz», – dedi Klıçko.
Onıñ bildirgenine köre, «paytahtnıñ bütün rayonlarında energetik infrastruktura zarar körgeni içün suv teminlevi problemleri bar».
«Mütehassıslr sistemanı turğunlaştırmaq içün çalışa. Ne olur, ne olmaz, içecek ve tehnik suv yedekleriñiz olsun», – dep tevsiye ete paytaht akimiyeti.
Daa evel Klıçko raketalar Kyivniñ Desnânskıy, Dniprovskıy ve Ğolosiyıvskıy rayonlarına tüşti, dep bildirdi.
Ukrayınada dekabrniñ 16-nda saba avadan telüke ilân etildi.
Bir çoq şeerden Rusiye raketaları aqqında haber etile. Harkiv ve Poltava elektriksiz qaldı, Krıvıy Riğde mesken evge tüşken raketa bar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
