Kyivde «Kitap Arsenalı»nıñ yaz sanasında Qırımda ve Donbasta tefqif etilgenlerniñ memküpleri oquldı, dep haber ete Qırım.Aqiqat mühbiri.
PrisonersVoise kampaniyası çerçivesinde mektüplerni ukraina aktörları, yazıcıları ve jurnalistleri oqudı.
«Kremldeki ukrain mabüsleri aqqında aytqanda eki grup insan aqqında aytamız. Bular Qırımda tutulğan yüzden çoq ve Donbasta esir etilgen üç yuzg yaqın adam. Ve Qırımda tevqif etilgenlerge mektüp yazmağa mümkün olsa, Donbastaki insanlar ile bağlı vaziyetke kelgende olarnen iç bir bağ yoq. Şunıñ içün mında oquğanmız mektüpler ve ikâyeler metinlerden daa çoqtır», – dedi tedbirniñ teşkilâtçılarından biri Aleksandra Matviyçuk.
Oqulğanlar arasında Qırım mabüsleriniñ mektüpleri de bar edi: vatandaş jurnalisti Osman Arifmemetov, ekinci Bağçasaray «Hizb ut-Tahrir davası»nıñ mabüsi Seyran Saliyevniñ apayı ve Azatlıq Radiosınıñ frilanseri Vladislav Yesipenko.
Vladislav Yesipenkonıñ Qırım.Aqiqat muarririyetine yollağan mektübini yazıcı Yekaterina Kalitko oqudı. «Men bir qaç künden berli Arsenaldam, mında biz epimiz quvanamız ve onuncı yubiley festivalni qayd etemiz. Amma bunı oquğanda ve Rusiye apishanelerinde insanlarnıñ ne yaşağanlarını tasavur etkende özümi yaramay duyam. Olarğa yapıp olacağımız qadar yapayıq. Yaşasın Ukraina!»
Tedbirde daa aktör Bogdan Benük, aktör Anatoliy Gnatük, yazıcı ve «Starıy Lev» muarriri, jurnalist Ölga Duhniç iştirak etti.
Oquvlar vaqtında tedbir teşkilâtçıları qırımtatar bayrağını açtıar.
