Qırımtatar Milliy Meclisiniñ reis muavini İlmi Umerov, noyabrniñ 12-nde Kyivde keçirilecek VI çağırılış Qırımtatar Milliy Qurultayı konferentsiyasınıñ tafsilâtlarını aydınlattı.
«Qırımtatar halqınıñ liderleri, devlet akimiyeti, elçihane, halqara teşkilâtlarnıñ vekilleri ve diger musafirler ve tedbir iştirakçileriniñ çıqışta bulunması beklenile», – dep aytıla haberde.
Umerovnıñ aytqanına köre, konferentsiyada Qırımdaki vaziyet ve «vaqtınca Qırım işğali şaraitlerinde milliy idare organlarınıñ vazifeleri» muzakere etilecek.
Birinci Qırımtatar Milliy Qurultayı 1917 senesi noyabr ayında saylanğan edi. 1917 senesi dekabrniñ 9-ndan 26-na qadar esas qırımtatar qanunlarını qabul etken milliy tesis toplaşuvı olaraq çalışqan edi.
1991 senesi Qırımtatar Milliy Qurultayı faaliyetini yañıdan başlattı. Ukrainada qırımtatarlarnıñ yuqarı temsil organı olaraq tanıldı. Qırım işğalinden soñ Rusiye onıñ faaliyetini yasaq etti.
