Kyivniñ «Jovtnevıy» Halqara medeniyet ve sanat merkezinde noyabrniñ 30-nda qırımtatar asıllı ukrain yırcısı Jamalanıñ kontserti keçirilecek. Yırcınıñ matbuat hızmeti bildirgenine köre, tedbir onıñ icadiy faaliyetiniñ 10 yılına bağışlana.
Programma «10» adını Aldı ve Jamalanıñ eñ eyi eserlerinden ibaret olacaq – You’re Made Of Love debüt müellif yırından başlap platin prodüseri Brian Todd yolbaşçılığında amerikan müellifleri yazğan Solo yañı yırına qadar.
Noyabrniñ 23-nde Kyivniñ Bel etage klubında Jamala «Krıla» yañı albomını taqdim etti.
Qırımtatar asıllı ukrainalı yırcı Jamala 2016 senesi İsveçiyada «Eurovisionda» ğalip çıqtı. O, qırımtatar halqınıñ sürgünligini tarif etken «1944» yırını icra etti. Ukrainalı yırcı ğalebe qazanğan soñ 2017 senesi yarış Kyivde keçirilgen edi.
