Fevralnıñ 21-nde Kyivde Ukraina buhran media merkezinde işğal etilgen Qırımnıñ Rusiye akimiyeti tarafından yarımadada medeniy mirasınıñ yoq etilmesine bağışlanğan araştırma taqdim etilecek. Bunı "QırımSOS" aq qoruyıcı teşkilât haber etti.
"Faller Qırım işğalden azat etilgen soñ bile bizge asla alışılğan olmaycaq Qırım abideleri aqqında aytıp berecekler. Olar işğal altındaki yarımadanıñ yoq etilgen 114 diqqatqa lâyıq tarihiy yerleriniñ haritası ile onlayn platformanı taqdim etecekler", - dep yazıla bildirmede.
Aq qoruyıcılaranıñ qayd etkenlerine köre, işğalniñ sekiz yılı içinde Qırımda telükesizlik meseleleri ve medniy mirasnıñ qorunması meselesi ile asla oğraşmağanlar.
"Şimdi yaramay bir vaziyet bar: müzeyler Rusiye qanunlarına köre ğayrıdan qayd etildi, artefaktlar çıqarıla, RF-nıñ nezaretinde olğan atiqiyatçılar yarımadada qanunsız qazmalar yapalar. Bazı obyektler tanılmaycaq qadar "restavratsiya etile", - dep qayd etti "QırımSOS" talilcisi Yevgeniy Yaroşenko.
Tedbirde faaller yedi böyle vaqia aqqında aytıp bermege niyetideler.
Faallerniñ malümatına köre, bugünde 114 atiqiyat obyekt, 28 avuştırılğan ve 10 restavratsiya etilgen obyekt aqqında malümat toplap olğanlar.
