Fevral 1-inde Kyivde “Qırım evi”nde Qara biber brendi qırımtatar qadın urbasınıñ mot kösterilüvi keçirdi. Qırım.Aqiqat mühbiriniñ bildirgenine köre, bu tedbir ukrain paytahtında ilk sefer ötkerile.
“Bu künü Qara biber qırımtatar brendiniñ mot kösterüvleri Qırımda anane oldı. Amma bu sefer olar yerini deñiştirip, kyivlilerni de modest fasionnen tanıştırmağa istedi. Böylece, qırımtatar ananeviy kiyimlerni zemaneviy müsülman modasınen nasıl etip birlestirmek mümkün olğanını şeer sakinlerine kösterdiler”, - dep yazıla tedbirniñ Facebook saifesinde.
Teşkilâtçılarnıñ aytqanına köre, dünyada “islâm modası” “sade moda” añlamına kelip başlay, yani modest fashion.
Bu kiyimler tek müsülman qızlarına degil ait, amma sade, qolay veadiy urba sevgen başqa dini ve dünyabaqışı olğan qadınlar içün de.
