Kyivdeki «Qırım evi» içtimaiy ağlarda eñ güzel Qırım fotoresimi yarışını keçire.
Yarış şartları teşkilâtnıñ Facebook saifesinde derc etildi.
«Er afta içtimaiy ağlardaki saifelerimizde eñ eyi fotoresimlerni derc etecekmiz. Karantin bitkeninen – «Qırım evinde» olacaq foto sergisi içün fotoresim saylaycaqmız», – dep aytıla haberde.
Bundan evel «Qırım evinde» «Ukrainanıñ tuzu» aktsiyası keçirildi, anda Qırım.Aqiqat jurnalisti Taras İbragimovnıñ fotosergisi numayış etilgen edi.