Oktâbrniñ 25-nde, Kyivde Veçnaya Slava parkında Şuralar Birliginiñ eki defa qaramanı, uçucı-sınavcı, qırımtatar milliy areketiniñ faal iştirakçisi Amet-Han Sultannıñ abidesine çiçekler qoyuldı.
Qırım.Aqiqat mühbiriniñ haber etkenine köre, merasim uçucınıñ 101-ncı doğğan kününe bağışlanğan. Merasimde Milliy Meclim temsilcileri, devlet ve cemaat erbapları iştirak etken.
Под гимн и Хайтарму: как в Киеве почтили память крымскотатарского летчика Амет-Хана Султана (фотогалерея)
Oktâbrniñ 25-nde Amet-Han Sultannıñ 101 doğğan künü qayd etile.
Ukraina Milliy bankı 2020 senesi oktâbrniñ 7-nde qırımtatar uçucısı, Sovetler Birliginiñ eki defa qaramanı Amet-Han Sultannıñ süreti ile 2 ğrıvnâlıq hatıra pulını qullanuvğa kirsett,.
Qırımtatar halqınıñ erbabı, Sovetler Birliginiñ eki defa qaramanı, uçucı Amet-Han Sultan 1920 senesi oktâbrniñ 25-nde Alupkada doğdı. Babası – lakets (doğma Dağıstandaki Tsovkra-1 avulından), anası – qırımtatarı. Em dağıstanlılar, em qırımtatarlar Amet-Han Sultannı milliy qaramanları dep sayalar. Amet-Han Sultan 603 cenk uçuşını kerçekleştirip, natsist Almaniyanıñ ava quvetlerine ait 30 uçaqnı şahsen ve 19 danesini taqım erkânında urıp tüşürdi. Uçucı 100 çeşit uçquçnıñ qullanuvını ögrendi, onıñ ücümleri 4237 saatnı teşkil etti. Amet-Han Sultan Tu-16 adlı uçqan laboratoriyada sınav uçuşını kerçekleştirgende elâk oldı. Moskvadaki Novodeviçye mezarlığında defin etildi. 2015 senesi mayısnıñ 14-nde Ukraina Yuqarı Radası «Aqmescit» ava limanına Amet-Han Sultan adını berdi. Onıñ adını Mahaçkala (Dağıstan, Rusiye) ava limanı da taşımaqta.
