Link açıqlığı

Saatnıñ esas haberi

Kyiv vilâyetinde «yolunı coyğan» Rusiye pulemötçisi tapıldı


Nümüneviy fotoresim
Nümüneviy fotoresim

Kyiv vilâyetiniñ Ostroluçye köyünde Ukraina polisi Ukraina silâlı quvetleri ve territorial mudafaanıñ askerlerinen beraber Rusiye Federatsiyasınıñ ordusı Ukraina regionından çekilgen soñ «yol coyğanını» aytqan 21 yaşında Rusiye pulemötçisini yaqaladı.

«21 yaşında bir Tataristanlı, mehanize brigadasınıñ pulemötçisi başta yol coyğanını ayttı, soñra ise «dünyanıñ ekinci ordusı» onı taşlap ketkeni belli oldı», – dep aytıla Ukraina uquq qoruyıcılarınıñ haberinde.

Rusiye arbiyi yaqalandı ve Ukraina telükesizlik hızmetiniñ regional idaresine teslim etildi.

Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.

Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.

Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.

Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG