Kyiv ve Vinnıtsâ vilâyetlerinde ava mudafaası çalışa, dep bildire vilâyetlerniñ arbiy memuriyetleri.
«Vinnıtsâ raketa ateşi altında buluna! Ava mudafaası çalışa. Ava telükesi bitkenine qadar sığınaqlarda qalıñız», – dep yazdı Vinnıtsâ vilâyeti arbiy memuriyetiniñ yolbaşçısı Serğiy Borzov Telegram kanalında.
Ava mudafaası çalışqanını Kyiv vilâyeti arbiy memuriyetiniñ yolbaşçısı Oleksiy Kuleba da bildirdi.
İçtimaiy ağlarda Kyiv, Vinnıtsâ, Poltava, Kirovograd vilâyetlerinde ava mudafaası çalışa, dep bildirgen ediler.
Poltava akimiyeti de vilâyetniñ ava mudafaası çalışa, dep tasdıqladı.
Saat 7:30-larda Ukrayınada büyük ava telükesi ilân etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
