Kyiv ve Odesada Rusiye arbiyleriniñ dekabrniñ 29-nda saba yapqan raketa ücümi neticesinde elâk olğanlarnıñ sayısı arttı.
«Qurtarıcılar elâk olğan daa bir kişiniñ cesedini çıqardı. Böylece raketa ücümi neticesinde elâk olğanlarnıñ sayısı dört oldı. Qıdıruv-qurtaruv tedbirleri devam ete», – dep bildirdi Kyiv şeeriniñ arbiy memuriyet yolbaşçısı Serğiy Popko.
Onıñ aytqanına köre, yaralanğanlarnıñ sayısı 30 kişi oldı.
«Rusiyeniñ saba Odesağa qarşı yapqan raketa ücümi neticesinde dört kişi elâk oldı», – dep tarif etti Odesa vilâyetiniñ arbiy memuriyet yolbaşçısı Oleg Kiper.
Lviv, Harkiv ve Dnipro akimiyetiniñ vekilleri Rusiye raketa darbesi neticesinde elâk olğan ve yaralanğanlar aqqında bildirdi.
Gece ve saba Rusiye Ukrayınağa kene dron ve raketalarnen ücüm etti. Lviv, Kyiv, Harkiv, Dnipro ve Çerkası, Sumı, Odesa vilâyetlerinde patlavlar aqqında haber etildi. Bazı şeerlerge saba bir qaç kere ücüm etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
