Kyivde Darnıtsâ rayonında yıqılğan binanıñ tübünden qurtarıcılar eki insannıñ cesedlerini çıqardı, dep haber ete Azatlıq Radiosınıñ mühbiri adise yerinden.
Daa evel Rusiye darbesiniñ beş qurbanı aqqında belli edi. Şeer yolbaşçısı Vitaliy Klıçkonıñ malümatına köre, aralarında 12 yaşında qızçıq bar edi.
Devlet fevqulâde vaziyetler hızmeti haber etkenine köre, eñ az 20 kişi Darnıtsâ rayonında ev yıqıluvı neticesinde ğayıp sayıla. Umumen Kyivdeye 39 insan yaralandı, aralarında bala bar. Daa 28 insan qurtarıldı.
Ukrayina Silâlı quvetleriniñ Ava küçleri malümatına köre, mayısnıñ 14-nde gece Rusiye Ukrayinağa qarşı büyük ücüm içün 56 çeşit raketa ve 675 darbe usucısızını qullandı, esas yöneliş Kyiv oldı.
Yerli akimiyet bildirgenine köre, Rusiye darbesinden Darnıtsâ, Dnipro, Ğolosiyıvskıy, Obolonskıy rayonında qayd etildi. Darnıtsâ rayonında doquz qatlı mesken ev yıqıldı. 18 daire yoq etildi. Qurtaruv-qıdıruv işleri devam ete.
Ukrayina prezidenti Volodımır Zelenskıy bildirgenine köre, umumen Rusiyeniñ Ukrayinağa qarşı ücümi sebebinden 180 obyekt zarar kördi, aralarında 50-den ziyade adiy ev bar.
Rusiye uzun bir uçucısız ücümi yaptı. Baş istihbarat idaresi haber etkenine köre, Rusiye Ukrayinadaki kritik obyektlerge uzun bir ava darbesini başlattı ve çoq sayıda qanatlı raketa ve ballistika qullana bile.
Rusiye tarafı bu ücümni izaatlamadı.