Bir kün evelsi Beyazrusiye sıñırı tarafından Kyiv yönelişinde 65 kilometrlik Rusiye tehnikasınıñ kolonnası yolğa çıqtı. Bu aqta Maxar şahsiy şirketiniñ yoldaş fotoresimleri bildire. ABD, Ukrainanıñ paytahtına ekinci ücüm dalğası azırlanıla, dep tenbiledi.
Kolonnada zırhlı tehnika, tanklar, buksirlengen toplar ve, tahminlerge köre, arbiyler ve yaqıt taşığan yük maşinaları bar. Salı künü saba kolonnada ketken arbiylerniñ bulunğan yeri belli degil.
Amerika senatorı Chris Murphy Kongress azaları içün qapalı brifingden soñ Twitterde Rusiye ordusı eñ yaqın vaqıtta Kyivni qırşavlap kesmege tırışacaq, dep yazdı. «Şeer içün uruş devamlı ve qanlı olacaq, ukrainalılar soqaq uruşlarına tez azırlana», — dep yazdı o.
Ukrainada cenk vaziyeti devam ete. Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti.
Prezident Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.
Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.
Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net.
