«Bu leyhanıñ esas maqsadı ukrayın ve qırımtatar kimliginiñ umumiy qıymetleri ve faktorlarınıñ açıluvı ola. Qırımtatar ve ukrayın milliy ve siyasiy baqışları arasında işbirliginiñ semereli yol haritasınıñ yapıluvı planlaştırıla, ve daa keniş ukrayın vatandaş kimliginiñ bir qısmı olaraq qırımtatar añlayışınıñ inkişafına qoltutulacaq», – dep aytıla akademiyanıñ saifesinde.
Leyhada tedqiqat, onıñ esasında tevsiyelerniñ azırlanması ve Ukrayına regionlarında tedbirlerniñ teşkil etilüvi bar.
«Tedqiqat işi usulşınaslıq ve nazariy framework yapıluvı, olğan menba ve edebiyatnıñ talili, gipotezanıñ azırlanuvı, miqdar sorav (1500-den çoq sorav), fokus-gruppa talili, keyfiyetli içtimaiy tedqiqat çerçivesinde neticelerniñ test etilüvi, Ukrayına tasil ve ilim nazirligi içün hulâsave tekliflerniñ şekillendirilüvi», – dep aytıla haberde.
Bundan ğayrı, daa keniş gruppalar arasında tedqiqat tevsiyeleriniñ populârizatsiyası içün ses-resim köntenti yapılacaq ve celp etilgen ekspertlerniñ iştirakinen cemaatçılıq ve devlet memurları arasında tedqiqat neticeleriniñ taqdimi ve muzakere etilüvinen bağlı tedbirler keçirilecek.
Leyha Kyiv-Moğıla Talil Platforması Kyiv-Moğıla akademiyasında Qırım studiyalarınıñ açılışına azırlıq işi çerçivesinde yapıldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
