Ukraina Nazirler Kabinetiniñ nevbetten tış oturışında Ukraina ve Rusiye ükümetleri arasında 1992-nci yılnıñ oktâbr ayından berli quvette olğan ticaret vekillikleriniñ qarşılıqlı qurulması aqqında razılaşmanıñ lâğu etilmesi qararı alındı. Bunı Ukraina Tış İşler Naziriniñ birinci müavini Emine Ceppar bildirdi.
"Rusiye tecavuzını ve Qırımnıñ işğalini ve buña köre de Ukraina-Rusiye munasebetleriniñ şimdiki vaziyetini nazarğa alaraq, bu razılaşma (ve daa bayağı başqa soyları) ameliy emiyetini coydı ve Ukrainanıñ milliy meraqlarına uymay. Bu qarar Ukraina ükümetiniñ mantıqlı adımıdır", - dedi Ceppar.
2019 senesi aprel 1-inde Ukraina ve Rusiye arasındaki dostluq, işbirlik ve ortaqlıq Muqavelisi amelini toqtattı.
Ukraina ve Rusiye arasında dostluq muqavelesi 1997 senesi imzalanğan edi ve o alâ daa amelde. Başqalarnıñ arasında, muqavele tarafları “biri biriniñ territorial bütünligini ürmet etip, aralarında olğan sıñırlarnıñ bozulamamasını tasdıqlay” ve “suveren musaviylikniñ eki taraflı ürmeti, sıñır bozulmaması, davalarnıñ barışıqlı çezmesi, küç qullanmaması ve küçnen qorquzmaması printsipleri esasında biri birinen munasebet qura”maddeleri de bar.
