Ukraina Yuqarı Radasınıñ deputatı Rustem Umerov Kyiv civarındaki Çayki köyünde qırımtatar mektebi açıldı, dep bildirdi.
«100 qırımtatar balası içün yañı zemaneviy mektep açtıq, anda qırımtatar tilinde tasil almağa imkânları olur. Qırımtatarlar içün yañı zemaneviy mektep BİRLİK qırımtatar medeniy-tasil merkezinde çalışa. Mektep eki tilli – yani balalar ukraince ve inglizce tasil alacaq. Bütün millet ve dinlerden balalar oquy bile», – dep bildirdi Umerov.
2015 senesi haber etilgenine köre, Hersonda ananelerni yañıdan yaşatmaq ve assimilâtsiya esnaslarına qarşı çıqmaq içün Qırımtatar diniy-medeniy merkezi açıldı. Merkez «Qırımtatar cemiyeti» cemaat teşkilâtınıñ Herson temsilciliginde açıldı.
İşğal altındaki Qırımnıñ Rusiye akimiyeti umumtasil mekteplerde qırımtatar ve ukrain tilleri derslerini azğarğa endirdi. Akimiyetniñ qırımtatarlarnı mekteplerde ana tilini ögrenmek imkânından marum etkeni aqqında Qırımtatar Milliy Meclisiniñ vekilleri de aytqan edi.
Aynı vaqıtta, yarımadada qabul etilgen «Qırım Cumhuriyetiniñ Anayasasınıñ» 10-uncı maddesi qırımtatar, ukrain ve rus tillerine devlet tili statusını bere.
«Ukrain tilinde tasil aluv 50 qat eksildi – bugün 249 talebe bar, qırımtatar tilinde mektep talebeleriniñ tek 3%-ı tasil köre (6400 talebe)», – dep bildirgen edi Ukraina ombudsmanı Lüdmila Denisova.
