Link açıqlığı

Saatnıñ esas haberi

Kyiv civarında İrpende tahliye vaqtında 3 biñ yerli sakinge yardım etip oldılar


İrpen. 2021 senesi. Tahliye

Kyiv vilâyetinde İrpenden ealiniñ tahliyesi devam etmekte, dep haber ete Fevqulâde vaziyetlerden devlet hızmeti.

"İrpen şeerinden Kyiv şeerine ealiniñ tahliyesi devam etmekte. Tahminen 3 biñ adamğa yardım kösterildi. İşler devam etmekte", - dep haber etile.

Martnıñ 7-nde Ukraina İç işler naziriniñ mesleatçısı Vadim Denisenko, Kyiv vilâyetinden eki biñ adam tahliye etilgeni ve daa dört biñden ziyade adam Rusiye işğal etken topraqlarda qalğanı aqqında haber etti.

Martnıñ 6-nda Rusiye ordusı öz mecburiyetlerine riayet etmeyip, silâsız adamlarğa qarşı ateş açtı. Bunıñ neticesinde bir qaç adam elâk oldı ve yaranlandı.

Ukrainağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete. Mesken rayonlarğa top, çoqlu ateş sistemaları ve ballistik raketalar vastasınen ateş açıla. Rusiye ordusınıñ zırhlı tehnikası Kyiv ve Rusiye sıñırına yaqın bir qaç vilâyet merkezini sarıp almağa tırışa.

Rusiye Ukrainağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG