Sentâbr 19-ında, cumaaqşamı künü, Kyiv vilâyetiniñ Çayka köyünde "Birlik" qırımtatar medeniy merkezi açıldı. Merkezde cami, tasil merkezi, bala ve yaşlar merkezi, kitaphane ve sport zalı bar, bildire Qırım.Aqiqat mühbiri.
Qayd etilgeni kibi, tantanalı açılışta qırımtatar halqınıñ lideri Mustafa Cemilev, Milliy Meclis reisi Refat Çubarov, Qurultay delegatı Rüstem Ümerov, Ukrainada Türkiye elçisi Yağmur Güldere, Qırım MC-nde Ukraina prezidentiniñ daimiy vekili Anton Korineviç ve müftiyat vekilleri bar edi.
Daa evel haber etile edi ki, Kyiv vilâyetiniñ Çayka ve Petropavlivska Borşçağivka köylerinde bir çoq qırımtatar yaşay, olarnıñ ekseriyeti 2014-ünci yılda rusiye işğalinden soñ köçip keldi. Cemiyette 200-ge yaqın qoranta bar, olar yerli biznesnen oğraşa ve köylerniñ içtimaiy yaşayışında faal uştirak ete. 2018-inci yılda yerli qırımtatar cemiyeti "Birlik" teşkilâtını yarattı ve medeniy merkeziniñ qurulışını başladı.
