Kyiv şeer şurası Ukrayına paytahtında rus tilli medeniy eserlerni açıq-açıq seslendirmege yasaqladı. Bu aqta Kyiv şurasınıñ matbuat hızmeti haberinde aytıla.
Kyivde rus tilinde muzıka, kitap, teatr ve tsirk sanalaştıruvlarınıñ yasaq qararına 71 deputat qoltuttı.
Kyiv şeer şurasınıñ tasil ve ilim, gençlik ve sport meseleleri daimiy komissiyasınıñ yolbaşçısı Vadım Vasılçuknıñ aytqanına köre, Ukrayına paytahtında rus tilli medeniyet eserleriniñ yasağı qararı «Ukrayına informatsion alanını istilâcı devletniñ gibrid tesirlerinden qorumaq içün» alındı.
«Medeniyet saasındaki faaliyet çerçivesinde yapılğan rus tilli eser ve hızmetlerniñ açıq numayış etilüvini yasaqlamağa közde tutula. Kitap, bediiy albom, sesli eserler, muzıka, bediy esnaf eserleri, teatr ve tsirk, kontsert ve medeniy-tasil hızmetleri. Rusça – istilâcı memleket tilidir, ve paytahtımıznıñ yüreginde yeri yoq», – dep qayd etti Vasılçuk.
Onıñ aytqanına köre, yasaq Ukrayına qanunlarına köre bediy, tarihiy, etnografik ve ilmiy emiyeti olğan ve saqlap qalması kerek olğan maneviy ve diniy medeniyet obyektlerinde de keçe.
Rusiyeniñ Ukrayınağa qarşı büyük istilâsı başlağanınen Kyiv akimiyeti Rusiye ya da Sovet Sotsialistik Cumhuriyetler Birliginen bağlı paytaht obyektleriniñ adlarını deñiştirüv işini faalleştirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
