ABD Devlet departamentiniñ Ukraina meseleleri mahsus vekili Kurt Volker istifağa ariza berdi. Bu malümatnı Amerika kütleviy haber vastaları, hususan CNN ve New York Times, aydınlattı, sentâbrniñ 27-nde ise Arizona ştatınıñ Universiteti tasdıqladı, anda Volker tedqiqat merkeziniñ yolbaşçısı ola.
Şimdilik Kurt Volker ve Beyaz Saray bu malümatnı ne inkâr eteler, ne de tasdıqlaylar, dep haber ete Azatlıq Radiosı.
Kurt Volkerniñ adı ABD prezidenti Donald Trumpnıñ kelecek prezident saylavlarındaki raqibi ola bilecek Joe Bidenniñ tedqiqatını rağbetlendirmek maqsadınen yañı Ukraina akimiyetine yapqan basqısına dair şikâyette qayd etile.
Menbanıñ malümatına köre, Volker, Trumpnıñ advokatı Rudi Culiani ile subetleşip, ABD milliy menfaatları içün «zararnı sıñırlamağa» tırıştı.
Volker 2017 senesinden berli ABD Devlet departamentiniñ Ukraina meseleleri mahsus vekili vazifesinde buluna.
