Rusiyeniñ Kursk vilâyetiniñ valisi Roman Starovoyt «Bel-Pol» fabrikasına dron darbesi ihtimali bar, dep bildirdi. Bu fabrikada çeşit yastıq ve yorğanlar tikile.
Onıñ aytqanına köre, yanğın mal anbarında ve memuriy binada çıqtı, al-azırda yanğın yeri teşkerile ve aqibetleri yoq etile.
«Mahsus hızmetler duşman uçucısızınıñ ücüm versiyasını teşkere», – dep yazdı Telegram kanalında Starovoyt.
"Baza» Telegram kanalınıñ malümatına köre, uçucısız Krasnikovo qasabasında bağ qullesine ücüm etti, amma oña urulıp, «Bel-Pol» müessisesiniñ memuriy binasına kirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
