Rusiyeniñ Kursk vilâyetinde cermay bazasında büyük yanğın çıqtı, dep bildirdi region valisi Roman Starovoyt.
Memurnıñ aytqanına köre, yaqıt rezervuarı yanıp başladı. Yaralanğanlar aqqında malümat yoq.
«Kursk rayonında Ukrayına uçucısızınıñ ücümi neticesinde cermay bazasında patlah oldı», – dep aytıla haberde.
Baza Telegram kanalı haber etkenine köre, 100 tonnalıq depo alevlendi. «112» bildirgenine köre, eki uçucısız bar edi, olarnıñ darbesinden soñ benzin rezervuarları yandı.
Ukrayına tarafı vaziyetni izaatlamadı. Mustaqil menbalarda malümat teşkermek şimdilik imkânsız.
Ukrayına ile sıñırı olğan Rusiyeniñ Belgorod, Brânsk ve Kursk vilâyetleriniñ akimiyet vekilleri muntazam sürette ateş aqqında bildire. Olar Ukrayına ordusını qabaatlay. Kyiv bunı resmiy şekilde izaatlamay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
