Aprelniñ 22-nde saba Rusiyeniñ Kursk vilâyeti ateşke oğradı, dep bildirdi region valisi Roman Starovoyt.
Onıñ aytqanına köre, «Ukrayına tarafından 20-den çoq darbe qayd etildi». Mesken yerderde zarar ve yaralanğanlar yoq, elektrik hatları zarar kördi – üç mesken yer elektriksiz qaldı.
Tünevin Brânsk ve Kursk vilâyetleriniñ akimiyetleri de Ukrayına uçucısızlarınıñ tüşkenini bildirgen edi. Birinci dron evge tüşti – yaralanğanlar yoq. Diger uçucısız yük traktorına tüşti – aydavcı zarar körmedi.
Ukrayına ordusınıñ Baş ştabı malümatına köre, Rusiye Ukrayınağa üç raketa ve 30 aviatsiya darbesini endirdi, toplu ateş reaktiv sistemalarından 50 kere ateş açtı. Yaralanğanlar aqqında malümat yoq.
Rusiye 2022 senesi fevralniñ 24-nde Ukrayınağa tam istilâ etti. BM malümatına köre, 2023 senesi aprelniñ ortasına qadar 8534 barışıqsever sakin vefat etti, 14370 kişi yaralandı. Teşkilât bildirgenine köre, bu malümat tam degil.
«Novaya gazeta Yevropa» neşiri esaplağanına köre, 2023 senesi fevralniñ başına qadar Rusiyede ve işğali altındaki Qırımda 168 insan ateşten zarar kördi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
