Darbe, tahminlerge köre, saba endirildi, Kurskta şeer künü qayd etilgen edi. Rusiye akimiyeti şeerniñ merkezinde memuriy binalarğa qarşı ücüm ve ava mudafaa sistemasınıñ işi aqqında bildirgen edi. Uçaq alanı aqqında malümat yoq edi. «Baza» neşiri, menbalarını aytmayıp, dron Halinoda yaqarlıq rezervuarlarına ücüm etmege tırışqan edi. Yaralanğanlar olmadı.
Ukrayınağa qarşı istilâ vaqtında Rusiye arbiy aviatsiyasınıñ işini aydınlatqan aqşam Fighterbomber arbiy blogu Halinoda adise-vaqialarnen bağlı taziyeler peyda oldı. Bloger Boris Rojin menbalarını aytmayıp, uçaq alanına qarşı ücüm vaqtında Rusiye arbiyleri elâk oldı. Blogerniñ haberlerine köre, rusiyeliler urılğan ya da tüşken uçucısıznıñ patlavından öldürilgen edi.
Ukrayına arbiy istihbaratındaki RBK-Ukraina menbaları bildirgenine köre, uçucısız Rusiye radioelektron vastalarınen qondırıldı ve FSB zabitleri onı baqmağa kelgende patladı.
Menbanıñ malümatına köre, patlav vaqtında eñ az altı kişi elâk olğan ya da yaralanğan edi. Arbiy zıddiyetlerniñ tarafları muvafaqiyetlerini arttıra, malümat operativ şekilde teşkerilmey.
Kursktaki arbiy uçaq alanı arbiyler ve vatandaş ava şirketleri tarafından qullanıla. Vatandaş ava limanı 2022 senesi Rusiyeniñ Ukrayınağa qarşı istilâsı başlağanından berdi qapatıla.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
