Qırım 2019 senensi mevsimine azırlıq köre. Moskova patriarhatınıñ Ukrain pravoslav kilsesiniñ Qırım ve Aqmescit yeparhiyası seyya bölgesiniñ müdiri Aleksey Tuşev, Qırım kurort ve turizm Nazirliginiñ binasına muqaddes suv septi.
Bu müessisede yılnıñ başında ilhaq etilgen Qırım 2018 senesi 6,8 million raatlanıcı qabul etti dep, bildirdi. Olardan bir millionğa qadar sanki Ukraina vatandaşı dep iddia eteler. Ukraina Devlet Sıñır hızmeti, sıñırda keçken adamlarnıñ miqdarı malümatına köre, bu raqamlarnı red ete.
“Kurortlı Qırım” cemiyet teşkilâtınıñ reisi Aleksandr Burdonov, yañı mevsimde Keriç köprü yarımadağa turistlernen yardım eter dep belley.
- Adet üzre, er nevbetteki mevsim keçken mevsimge köre, yahşıca olmaq kerek. Köpür endi ekinci yıl çalışacaq, demek keçken mevsimde kelgenler öz tanış-bilişlerine aytıp berdi, böylece adamlar kelip başlaycaq. Men keçken afta yalı boyunı kezindim, “Yalta-İnturist”te, adetince, turistik sergi edi. Cemaatnen qonuştım - raatlıq künleri ve mevsim ara adamlar çoqlaştı, dep aytalar, bu - 700-800 kilometr etrafında öz maşnane 2-3 künlük kezinti. İhtimal, böyle, raatlıq tarzı ilerleycek. Kurort Nazirliginde aytılğan milliolarğa barsaq, bu sayuv usulıña bağlı. Yolcu kiriş-çıqışına köre, kerçekten de, 6-7 million, amma olarnıñ 90%-ını turist saysañ, rekordlı yıl oldı dep aytmaq mümkün. Memurlar öyle saymağa buyurdı. Amma aqiqiy ilimde 3-4 mustaqil qqıymet kesüv yapıla.
Yalta jurnalisti ve uquq qoruyıcısı Sergey Sardıko da bu sergini ziyaret etti ve memurlarnıñ bu mevzuğa bitaraflığına diqqat ete.
Biznes, devlet kelecek mevsimge tayinlegen iş qaidelerini bilmese, o bozula bile, parasız qala bileSergey Sardıko
- Memurlar anda olmağanını kördik. Bu biznes körüşüv ve mevsim arfesinde, iş adamları öz ara subetleşip qonuşqanı pek müim. Amma, yazıq ki, ne Sergey Aksönov, ne de kurort ve turizm naziri Vadim Volçenko keldi, sadece iqtisadiy inkişafnıñ nazir muavini bar edi. Açılışta Yalta memuriyetinden de kimse olmadı - deseñ, kelmesi 15 daqqa. Rusiyede, ve asıl er devlette, akimiyet bizneske munasebetni şekilley. Misal içün, ekskursiya alıp barıcıları derneginiñ reisi bar edi, o daa küzde yañı yerleştirüv shemasına köre, ekskursiyacılarnıñ noqtaları alıp taşlanğanları aqqında Yalta memuriyetine ve Aksönovğa muracaat arizasını yazğan edi. Cevabı alâ daa yoq. Sualler çoq. Biznes, devlet kelecek mevsimge tayinlegen iş qaidelerini bilmese, o bozula bile, parasız qala bile.
Qırım Muhtar Cumhuriyetiniñ sabıq kurort ve turizm naziri Aleksandr Liyev, keçken yıl isaiyatını açıp, şimdiki raqamlarnı qıyaslay.
Yarımada aman-aman ukrain raatlanıyıcılarnı coydıАлександр Лиев
- İlhaqtan evel Qırım 6 million turistni qabul ete edi, olarda 4,5 million - Ukraina vatandaşı edi, 1,2 million ise - rusiyeliler. Daa 300 biñ - belaruslar ve Avropa ile Türkiyeden ep artqan seyaatçılar. Elbetteki, çetel raatlanıyıcılar şimdi yoq, bu añlayışlı. Belarustan da adam yoq, çünki evel uçaqlar bar edi em de Ukrainadan maşnanen kelmek mümkün edi. Şimdi belaruslarğa yol qolaysız kele, demek Qırım daa 300 biñni coydı. Ukrainadan kelgen adamlarğa baqsaq, 4,5 million yerine, Qırım 100 biñ qabul ete. Em de bu - ya da Qırımda mülkü olğan adamlar, ya da hastalığı sebebinde sanatoriylerge qatnamağa mecbur olğanlar. Yarımada ukrain raatlanıyıcılarnı coydı, amma o atta Sovet vaqtında müim edi. Rusiyelilerniñ 1,2 millionına baqsaq, onı üfürtmek acet yoq.
Aleksandr Liyev, Keriç köprü Qırımda rusiye turistleriniñ çoqlasmasına tesir etmey, dep ayta.
Rusiye akimiyeti Qırımnı zapt etkende, onı turistik bölge yapmağa niyetleri yoq edi. Onı arbiy baza kibi qullanmaq maqsadınen zapt ettilerAleksandr Liyev
- İşğalden evel de yol meselesi yoq edi. Raat-raat poyezdnen kelip, musafirçen ukrain sıñından keçmek mümkün edi. O vaqıtları rusiyelilerge 6 million olıp kelmege ne keder etti? Fiyatlar ucuzca edi, havsızlıq yüksekçe, cenk vaziyeti yoq edi. Qırım aqqında müsbet tefsirler daa çoq edi, erzaq mallarnıñ keyfiyeti daa yüksek. Er adımda, rusiyelilerniñ özüni de qozğaltqan, Putin sıması ile bilbordlar yoq edi. Rusiyeliler içün 2014 senesinece şarait daa kelişken ve yahşı edi. Bu turistik aqım Qırımğa fışqırması içün iç sebep yoq. Aynı şu 1,2 million bara. Evel poyezdnen barğan adamlar, işte, şimdi Keriç boğazından keçecek. Amma umumen, bu aynı şu miqdar. Rusiye akimiyeti Qırımnı zapt etkende, onı turistik bölge yapmağa niyetleri yoq edi. Onı arbiy baza kibi qullanmaq maqsadınen zapt ettiler.
(Текст подготовил Владислав Ленцев)
