Qırımlı advokat Emil Kurbedinov dekabrniñ 11-nde memuriy apis cezasından soñ Aqmescitteki vaqtınca tutuv nezarethaneden çıqtı. Onlarnen faal onı qarşılamağa keldi. Qırım.Aqiqat mühbiriniñ bildirgenine köre, toplaşqanlar maşinalarda oturğan Ekstremizm ile küreş merkeziniñ hadimlerini körgenini aytalar. Kurbedinovnı 2013 senesi Facebookta paylaşqanları içün ekstremist teşkilâtlarnıñ işaretleri ya da timsalleriniñ teşviqatı ve açıq numayış etilmesi sebebinden apiske aldılar. Kurbedinovnıñ zenaatdaşları dey ki, onı Dimaşqqa köçken Qırım sakini şikâyet etti. Dekabrniñ 7-nde Kreml kontrolindeki Aqmescitniñ Kiyev rayon mahkemesi qırımlı advokat Emil Kurbedinovnı 5 künge tevqif etken edi.
«Halq qorçalayıcısı»: Kurbedinovnı nezarethane ögünde tatlı ve ava kürrelerinen qarşıladılar (fotoresimler)
1
Faaller vaqtınca tutuv nezarethaneden çıqqan Emil Kurbedinovnı sarıp aldı
2
Şeref tahtası ögünde onlarnen faal toplaştı, olar advokatqa minnetdarlığını ve destegini bildirmege keldi
3
Kurbedinov toplaşqanlarğa qoltutqanları ve sıcaq sözlerni aytqanları içün teşekkürler bildirdi
4
Politsiya hadimi közete
5
Qutuda Emil Kurbedinov içün balaban tort ketirdiler
6
Üstünde «Bizim halq qorçalayıcımız» ve #FreeKurbedinov dep yazılğan
7
8
Milliy areket faallerinden biri Kurbedinovğa belli jurnalist Lilâ Bucurovanıñ «Alınmağan bilet» şiirler cıyıntığını ediye etti
9
10
Toplaşqanlar şeref tahtası ögünde dua oquy
11
Emil Kurbedinov ava kürrelerinen
12
Facebook Forum