Ukrayina Mudafaa naziriniñ muavini Ğanna Malâr Kupânsk yönelişinde uruşlar devam ete, RF quvetleriniñ ücümi muvafaqiyetsiz, dep bildirdi.
"Duşmannıñ Kupânsk yönelişinde ücümi şimdilik muvafaqiyetsiz. Uruşlar devam ete, amma teşebbüs artıq ukrain ordusında", - dep bildirdi o.
Onıñ sözlerine köre, Bahmutnıñ etrafında cenübiy tarafta o bir künleri kibi ilerilev bar.
"Şimal tarafta bugün uruşlar edi. Duşman ğayıp etken mevzilerni qaytarmağa tırışa", - dep qoştı Malâr.
İyülniñ 16-nda Ukrayina Mudafaa nazirligi memleketniñ şarqında vaziyet kerginleşkeni aqqında bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
