Qırımnı 2014 senesi Rusiye ücüminden qorçalamaq mümkün edi, dep bildirdi Qırımnıñ sabıq baş naziri, arbiy hızmetçi Serğiy Kunitsın Qırım.Aqiqatqa bergen intervyüsında.
Onıñ aytqanına köre, 2010 senesi, o Aqyarnıñ yolbaşçısı olğanda, UADQ-nıñ komandanı, admiral İğor Tenüh, oña bu şeerniñ Rusiye tarafından arbiy telükelerden mudafaası boyunca gizli plannı ketirip köstergen.
"Men ise "bu nedir?" dep soradım. O, "Ruslar deli olıp çıqsa, soñu Gürcistanda kibi olsa kerek olur" dedi. Biz küldik. Soñra o, "bu bizim deñiz bölüklerimizniñ, yalı boyu mudafaasınıñ, milisniñ ve SBU-nıñ areketlerini tasvir ete — Aqyarnı qorçalamaq içün kim ne yapacaq», — dedi Serğiy Kunitsın.
Bundan soñ, onıñ aytqanına köre, olar prezident Viktor Yuşçenkoğa ve Ukrayina mudafaa nazirine Aqyar ve Donuzlavda deñiz brigadasını yerleştirmek kerekligi aqqında "gizli raport" yazğanlar.
2014 senesi Rusiye Qırımnı işğal etti. Ukrayina Silâlı Quvetleriniñ bazı bölükleri Rusiye küçlerine qarşılıq kösterdiler, amma soñunda episi Qırım yarımadasından çıqarıldı. Ukrayina ve onıñ halqara şerikleri Rusiyeniñ Qırımnı işğal etmesini tanımaylar.