Rusiyeniñ Ukrayinağa keniş mıqyaslı istilâsı başlanğandan berli işğal etilgen Qırımda Noman Çelelebicihan adına qırımtatar batalyonında iştirak qabaatı ile 8 yıl evelkinden daa çoq adam tevqif etildi. Bunı "QırımSOS" cemaat teşkilâtınıñ talilcisi Yevgen Yaroşenko bildirdi.
"2022 senesi fevralniñ 24-nden berli işğalciler dersiñ Noman Çelelebicihan adına qırımtatar batalyonında iştirak içün 7 adamnı tevqif ettiler. Aynı zamanda cenkten eveliki 8 yılda bu qabaatlar ile 6 adam taqip etildi", - dedi Yaroşenko.
Evel, Rusiyeniñ Yuqarı mahkemesi "terrorcı" ilân etip, "Noman Çelebicihan adına qırımtatar göñülli batalyonını" Rusiye Fedartsiyası terrortiyasında yasaq etti.
Bundan evel işğal etilgen Qırımda "qırımtatar batalyonı"nıñ azası olmaqta qabaatlı tanılğan qırımtatarlarğa qarşı bir qaç qabaatlav qararı çıqarıldı.
Ukrayina qanun qoruyıcı organlarınıñ terkibinde "qırımtatar batalyonı"nıñ yaratılması aqqında muzakereler 2016 senesinden berli ketmekte.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
