Avgustnıñ 25-nde Avropa Birliginiñ Tışqı siyaset hızmetiniñ spikeri Peter Stano kelecek afta AB nazirleriniñ resmiy olmağan körüşüvlerini ilân etti.
"Kelecek afta Toledoda eki körüşüv olacaq", - dep bildirdi o.
Şu cumleden AB diplomatiyasınıñ yolbaşçısı Jozep Borrelniñ reisligi altında mudafaa nazirleriniñ resmiy olmağan körüşüvi olacaq. Kün tertibinde Rusiyeniñ Ukrayinağa qarşı tecavuzı. Körüşüvge Mudafaa naziri Oleksiy Reznikov da qoşulacaq.
Bundan ğayrı nazirler NATO ve BMT global ve regiolnal siyasetini ve Nigeriyadaki vaziyetni muzakere etecekler.
Bundan ğayrı kelecek afta bloknıñ Tış işler nazirleri Gimniç formatında körüşecek. Ukrayina TİN yolbaşçısı da bu körüşüvge qoşulacaq. Rusiye tecavuzından ğayrı Ukrayinanıñ barışıq formulasını muzakere etecek olalar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
