Rusiye çetel gemilerniñ deñiz naqliyatına bağlıdır, şunıñ içün de onıñ olarğa irişim sıñırlanmaq kerek, dep bildirdi Ukrayina TİN yolbaşçısı Dmıtro Kuleba.
O qayd etti ki, Rusiye iqtisadiyatı ihracağa yönetilgen, şunıñ içün esasen çetel gemiler tarafından temin etilgen deñiz deñiz taşıluvlarğa bağlıdır.
"Ortaqlarımızğa muracaat etem: Rusiyeniñ olarnıñ hızmetlerine irişimini sıñırlañız ve Putinniñ arbiy maşnasını zayıflaştırıñız. Ahır-soñu Rusiyeniñ aqiqaten ihrac etkeni ölüm, buhran ve yalandır", - dedi o.
İyülniñ 3-nde Ukrayinanıñ Türkiyedeki elçisi Vasıl Bondar Türkiyeniñ gümrük hızmetiniñ hadimleri Rusiyeniñ yük gemisini toqtatqan. Bu gemide Ukrayina akimiyetiniñ bildirgenine köre, Rusiyeniñ Berdânskta zapt etken ukrayin zahiresidir.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
