Ukrayina Tış işler yolbaşçısı Dmıtro Kuleba bildirdi ki, Rusiye prezidenti Vladimir Putin degil, Rusiye askerleri Ukrayinağa "öldürmek, çekiştirmek ve yoq etmek" içün keleler.
"Bu yalıñız Putinniñ degil, bütün Rusiyeniñ cenkidir. Putin degil, rus askerleri Rusiyeden öldürmek, çekiştirmek ve yoq etmek içün keleler. Ruslarnıñ ekseriyeti cenkni destekleyler, Ukrayina şeerlerine raketa ücümlerini ve ukrayinlerniñ öldürilmesini destekleyler. O zaman rus turistrleri de keyf çatsınlar", - dep yazdı o.
Avgustnıñ 11-nde Almaniya kantsleri Olaf Şolts Rusiye vatandaşlarına viza berilmesiniñ tokhtatılması teklifi ile bağlı sualge cevap berip dedi ki, Ukrayinada arbiy areketler başlamasına köre mesüliet rгslarnıñ degil, memleket reberiniñ üzerindedir.
"Bu Putinniñ cenkidir, şunıñ içün men bu ğayege qoltutamayım", - dedi o.
Avropa Birligi TİN başları bu teklifni avgustnıñ soñunda muzakere etecekler.
Ukrayina akimiyetiniñ temsilcileri Ğarpnı Rusiye vatandaşları içün sıñırlarnı qapatmağa çağırdılar.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
