Ukrayina Tış işler naziri Dmıtro Kuleba, yaqın vaqıtta Ramstein formatında nevbetteki körüşüv keçirilecegini ve anda yañı müim qararlar ilân etilecegini bildiri.
"Biz ortaqlarımızdan mudafaa destegi ile bağlı yañı qararlarnı bekleymiz. Yaqın vaqıtta Ramstein formatında nevbettki oturış olıp keçecek, o yañı qararlarnıñ ilân etilmesi içün müim olacaq", - dedi o.
Nazir, 2022 senesi "Ukrayinanı Patriot sistemaları ile temin etmek içün inqilâbiy qarar" ile bitkenini hatırlattı.
"Keçken seneni biz Ukrayinanı Patriot sistemaları ile temin etmek içün inqilâbiy qarar ile bitirdik. Bunıñ aqqında Ukrayina ve Amerika devlet başları añlaştılar. Biz buña büyük qıymet kesemiz. Patriotnıñ mümkün qadar tez yerleştirilmesini bekleymiz. Bu sistemalarnıñ berilmesi içün azırlıqlar artıq başlandı", - dep qoştı Ku leba.
Ramstein formatında soñki körüşüv 2022 senesi noyabr ayında olıp keçken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
