Ukraina TİN başı Dmıtro Kuleba, Rusiye tarafından işğal etilgen Qırımğa qanunsız olaraq kirgen rus artistlerine qarşı halqara sanktsiyalar qoyulması ğayesini ileriletmege mümkün, dep saya.
Bunı o, Qırım.Aqiqat mühbirine bildirdi.
«TİN, Rusiyeniñ Qırımnı qanunsız işğali ile bağlı er angi bir şahıs,institut ya da areketke qarşı pek sert bir siyaseti bar. Ukraina qanunlarını bozğanlarnı milliy ve zalqara seviyede cezalamaq içün daima sanktsiyalarnı başlatamız. Ve şimdibi bizim başlatqan global teşebbüsisiz Qırım platforması da böyle şeylerden biridir. Cinayet davası, deliller olğanda halqara seviyede bu sanktsiyalarnı ileriletmege daa qolaydır», – dedi Kuleba.
Ukraina qıtasında, qanunsız sürette Qırımnı ziyaret etkenleri içün 23 rus artistine qarşı cinayet davası açılğan.
