Ukrayina Tış işler naziri Dmıtro Kuleba Rusiye tarafınıñ Ukrayina ile barışıq aytışuvlarğa azır olması aqqında beyanatlarını "tütün perdesi" dep saya.
O Twitterde Rusiye "cenkni devam etmek" niyetinde olğanını yazdı.
"Putinniñ omuzdaşlarınıñ Rusiyeniñ barışıq aytışuvlarğa azır olğanını aytqanlarından daa tsinik bir şey yoq. Bu "azırlıqnı" er kün eşitemiz ve köremiz: top ateşleri, silâsız ealige qarşı raketa terrorı, küttleviy canavarlıqlar. Rusiye cenkni devam etmek niyetindedir, qalğanı tütün perdesidir", - dedi Ku leba.
Bundan evel N-tv Almaniya neşrine sabıq Almaniya kantsler Gerhard Şreder keçken afta Moskvada "talilde" ekende Rusiye prezidenti Vladimir Putin ile körüşkenini bildirdi. Körüşüv vaqtında Kreml Ukrayinadaki cenkni aytışmalar yolunen çezmek istegenini bildirgen.
Prezident ofisiniñ reisiniñ mesleatçısı Mahaylo Podolâk Almaniya sabıq kantsleriniñ beyanatına cevap berip, "Rusiye bir taraftan yañı cinayetler ile terrornıñ derecesini yükslte, diger taraftan ise teslim olmağa davet ete", dep bildirdi.
O, bəyan edib ki, “Rusiya bir tərəfdən yeni vəhşi cinayətlərlə terrorun dərəcəsini yüksəldir, digər tərəfdən isə təslim olmağa dəvət edir”.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
