Ukraina TİN başı Dmıtro Kuleba, Ğarp memleketleri Rusiyege barışıq yolu ile degil, küç yolu ile cevap bermelidir, dep saya. Bunınıñ aqqında o dekabrniñ 10-nda Amerikanıñ Foreign Affairs neşrinde yazdı ve dünya toplulığını Ukraina suvereniteti oğrunda küreşinde desteklemege çağırdı, dep haber ete Azatlıq Radiosı.
Kuleba, ABD ve onıñ avropalı ittifaqdaşları vaqıt qazanmaq ve Ukrainanı Rusiyeniñ silâlı istilâ etip olamaycağına qadar quvetlendirmek içün Putinnen laf etmek kerekler. "O zaman Donbastaki vaziyetniñ tınç çezilmesine irişmek ve niayet Ukrainanı AB ve NOTO-ğa ketirmek mümkün olur", - dedi o.
Onıñ bildirgenine köre, uzun müddetli istiqbalde Ukraina halqınıñ başqa yolu yoq.
"Bizimz Rusiye ya da ABD ve Avropadaki tarafdarlarımız tarafından körgen tazyıqqa baqmadan bu yoldan çekilmeycekmiz. Bazı Ğarp tefsircileriniñ NATO-nıñ yaqınlığınıñ Putin içün sezgir mesele olğanını aytqanlarını eşitkende menim yalıñız bir sualim peyda ola: 44 million ukrainlerniñ ayatı ve kelecegi sezgir degilmi?", - dep yazdı nazir.
ABD prezidentiniñ müdiriyeti Ukrainanıñ NATO azası olmağa ıtıluvını destekley. Bunı Beyaz Evniñ matbuat kâtibi Jen Psaki dekabrniñ 9-nda matbuat konferentsiyası vaqtında birldirdi.
