Avropa Birligi Rusiye Federatsiyası vatandaşları içün sadece sadeleştirilgen viza rejimini toqtatmamalıdır, aynı zamanda olarğa viza berilmesini tamamınen yasaqlamalı. Azatlıq Radiosı mühbiriniñ malümatına köre, Bunı Ukrayina TİN yolbaşçısı Dmıtro Kuleba Pragada "Forus 2000"de çıqışta bulunğanda bildirdi.
"Vizalarğa kelgende, qısmen olacaq olsa, asla olmasın. Bu menim fikrim. Men kerçek sert tedbir tetbiq etmek içün daa uzun muzakereler, çezim qıduruvlar tarafdarım", - dedi Kuleba.
Keçenlerde o, Rusiyege qarşı tam qısmiy qararlarnıñ Ukrayiğa qarşı büyük istiyalınıñ sebeplerden biri olğanını bildirdi.
Evel avgustnıñ 31-nde Avropa Birliginiñ Tış işler yolbaşçısı Josep Borrell Rusiye vatandaşları içün sadeleştirilgen viza rejiminiñ toqtatılmasını ilân etti.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
