Link açıqlığı

Saatnıñ esas haberi

Kuleba AB-ni Qırımda insan aqlarını bozğanlarğa qarşı daa sert sanktsiyalar qoymağa çağıra


Dmıtro Kuleba
Dmıtro Kuleba

Ukraina TİN başı Dmıtro Kuleba oktâbrniñ 12-nde 23-nci Ukraina-AB sammiti vaqtında Avropa Birliginiñ başı Jozep Beorrelge muracaat etip, Qırımda insan aqlarını bozğanlarğa qarşı daa sert sanktsiyalar qoymağa çağırdı, dep haber ete Ukraina TİN matbuat hızmeti.

"Tecavuzcı devletke qarşı qattı sanktsiyalar qoyulmasını isteymiz. Rusiye yedi yıldan çoq halqara uquq ve halqara gumanitar uquqnı, insan aqlarını boza, insanlarnıñ yaşayışını ve taqdirlerini yoq ete. Millionlarnen evinden , on biñlernen yaşayışından ve biñlernen azatlıqtan marum qaldı. Bu, bar olğan sanktsiyalar rejiminiñ qalması ve quvetleştirilmesi içün ve yañı sanktsiyalar qoyulması içün yeterli sebebeplerdir", – dedi Kuleba.

Oktâbrniñ 12-nde Kyivde 23-nci Ukraina-AB sammiti olıp keçti. Avropa Birliginden Avropa Şurasınıñ prezidenti Şarl Mişel ve Avropa Komissiyasınıñ prezidenti Ursula fon der Lâyyen iştirak etti ve Ukrainanıñ devlet başı Volodımır Zelenskıy iştirak ettiler.

Sammitniñ neticelerine köre, Rusiyeni siyasiy mabüslerni azat etmege, qırımtatarlarnıñ taqip etilüvini toqtatmağa, Azaq ve Qara deñizlerinde serbest ve telükesiz navigatsiyanı temin etmege çağırğan ortaq beyanat qabul etildi.

Oktâbrniñ 11-nde AB-niñ resmiy mecmuasında 8 rusiyeli adliyeciniñ sanktsiyalar cedveline kirsetilmesi aqqında qarar yayınlandı.

Qararda(AB Şurasınıñ) kösterilgen sanktsiyalar altında olğan şahıslar, muvaqqat işğal etilgen Ukraina yarımadasında qırımtatarlarnıñ taqip etilmesine ve halqara gumanitar uquq qaideleriniñ diger qaba bozulması ile alâqdardır.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG