Krasnodar ülkesiniñ Tuapse rayonında olğan suv basuvı neticesinde eki insan elâk oldı. Küçlü yağmur sebebinden evler suvğa battı, bir çoq evniñ elektrik ve gaz teminlevi toqtatıldı, dep bildire Radio Svobodanıñ rus hızmeti.
Bir çoq yerde maşina ve demiryol areketi toqtatıldı. Soçi ve Tuapse arasında köpür yıqıldı.
Soçi civarında bir qaç tren toqtadı. Maykop-Soçi «Lastoçka» treniniñ yolcuları bir qaç saat suvsız ve aşsız olğanını şikâyet ettiler, trenlerde ayaqyol çalışmay edi. Rusiye demiryolu bunı inkâr ete.
«İnterfaks-Rossiya» malümatına köre, Tuapse rayonında 1240 evni suv bastı, qomşu Apşeronsk rayonında ise 714 evni suv bastı. Tuapse ve Apşeronsk rayonınlarından 360 insan tahlik etildi.
İçtimaiy ağlarnıñ qullanıcıları paylaşqan fotolarda körüne ki, suv soqqalarnı basıp, turğan maşinalarnı alıp kete.
