Krasnodar ülkesiniñ akimiyeti, devlet ve şahsiy ortaqlığı parasına ilhaq etilgen Qırımğa Keriç köpründen elektrik poyezlerni yollamaqnı tüşüne.
Bunı TASS Rusiye agentligine Krasnodar ülkesiniñ gubernatorı Veniamin Kondratyev haber etti.
"Ya ne içün yoq? - dedi o, Kuban - Qırım elektriçkasınıñ yürmesi imkânı aqqında sualge. - Menimce, bizim Qırımnen umumiy maqsatlarımız ve niyetlerimiz bar, ve Krasnodar ülkesinen Qırım arasında faal naqliyat alâqası, bütün memleketten turistlerni celp etmege yardım eter. Bu mesele, elbette ki, daa tek muzakere etile. Mesele fiyatı bar, ve o bayağı yüksektir, belki başqaca yaparmız, devlet ve şahsiy ortaqlığı parasınen qullanırmız".
Keriç köprüden keçecek yük trenleriniñ areketini 2020 senesi iyün ayında başlatmağa planlaştıralar.
«Grand Servis Ekspress» naqliyat şirketi noyabrniñ 8-nde saba Keriç köprüden ketecek Qırımnıñ yolcu trenlerine bilet satmağa başladı.
Daa evel Rusiye akimiyeti Keriç köprüne 166 «yañı vagonnı» bermege vade etken edi.
«Qırım demiryolları» müdiri Aleksey Gladilin Keriç köprüniñ demiryol qısmı açılğan soñ andan qomşu Rusiyeniñ 11 şeerinden trenler keçecek, dep ilân etti.
2019 senesi mayıs ayında Rusiye prezidenti Vladimir Putin Keriç köprüniñ demiryolu «cedvelden daa tez qurarlar», dep bildirdi.
