Novofedirivka kurort qasabası (1994 senesine qadar qapalı olğan Saq-4 uçaq garnizonı) avgustnıñ 9-nda olıp keçkenlerden soñ özüne kele. Şu künü yaqın olğan arbiy uçaq alanında küçlü patlavlar oldı, Rusiye Mudafaa nazirligi bildirgenine köre, «bir qaç aviatsiya silâsınıñ detonatsiyası» oldı.
Avtobus duraqlarında, tükânlarda yerli sakinler adiseniñ aqibetlerini canlı-canlı ve tafsilâtlı bir şekilde muzakere ete. Ebet, insanlarnıñ duyğuları farqlı. Lâkin neticede episi aynısını ayta: akimiyet körgen zararlarını ne vaqıt ve ne qadar qarşılaycaq.
«Pamuqlardan» eki kün keçken soñ Novofedirivka – bu fotoresimlerde.
