Aprelniñ 4-nde ballistik raketanıñ Krıvıy Riğ ücümi neticesinde yaralanğan 57 yaşında adam can berdi, dep bildirdi Dnipropetrovsk vilâyetiniñ arbiy memuriyet yolbaşçısı Serğiy Lısak.
«Rusiye cinayetiniñ daa bir qurbanı. Hastahanede aprelni 4-nde duşman ücüminden zarar körgen kişi vefat etti. 57 yaşında erkekniñ ayatını qurtarmaq içün ekimler çalıştı. Ne yazıq ki, vaziyeti pek ağır edi. Qorantağa taziyeler bildiremiz», – dep bildirdi memur.
Aprelniñ 4-nde aqşam Rusiye ordusı Krıvıy Riğ şeerindeki mesken yerniñ merkezine ballistik raketalarnen ücüm etti. Raketa bala meydançığına uruldı. Bundan evel 18 insannıñ elâk olğanı, olarnıñ arasında doquzı bala, 29 çoq daireli ev zarar körgeni aqqında haber etilgen edi.
Akimiyetniñ malümatına köre, raketanıñ Krıvıy Riğ darbesinden soñ Rusiye ordusı daa bir kere dronlarnen ücüm etti, neticede daa bir insan elâk oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
